Ish-kryeministri i Kosovës, Ramush Haradinaj, gjatë seancës së jashtëzakonshme të Kuvendit, sërish e ka quajtur “spiun” të Serbisë kryeministrin e Kosovës, Albin Kurtin.
“Po është spiun i Serbisë, është tradhtar ai njeri që e lë pa bukë ushtrinë e vet. Pse po i ndodh këtij, dhe nuk i ndodhi dikujt tjetër gjatë ekzistencës sonë që 20 vjet”, tha ai.
Ai thotë se angazhimi ditor i Kurtit është mashtrim dhe se nuk punon në interes të vendit.
“Angazhimi i tij ditor i tëri është mashtrim, ai nuk punon në interes të vendit. Vazhdon të dobësojë shtyllat jetike të sigurisë vendit. Ai godet pa mëshirshëm policinë e vendit, AKI-në, ushtrinë, në mënyrat më të ulëta, dhe vazhdon të i godas“, u shpreh Haradinaj.
