Nesër bëhen një javë, që kur Ramush Haradinaj ka dhënë dorëheqje nga posti i Kryeministrit, pas ftesës që ka marrë nga Gjykata Speciale për t’u intervistuar në cilësinë e të dyshuarit.
Ndonëse Haradinaj ka kryer detyrimin e tij dje në Hagë këtë të enjte kthehet në Kosovë, ndërsa ende nuk është ndërmarrë ndonjë hap konkret për krijimin e një qeverie teknike, apo shpalljen e zgjedhjeve të jashtëzakonshme.
Presidenti nuk i ka ftuar ende partitë politike për konsultim, derisa këto të fundit janë deklaruar kundër një qeverie teknike dhe për zgjedhje të jashtëzakonshme.
Sidoqë të jetë Haradinaj pas kthimit nga Haga ka thënë se do t’i kthehet jetës politike. Ai nuk ka përjashtuar mundësinë që të garoj sërish për postin e kryeministrit në zgjedhje të jashtëzakonshme.Po ashtu mediat në Prishtinë raportojnë Ramush Hardinaj, ka thirrur të premte mbledhjen e Qeverisë. Mbledhja e cila pritet të nis në orën 14:00, do të ketë disa pika të rendit të ditës, në mesin e tyre do të diskutohet edhe për emërimin e anëtarëve të bordit të autoritetit civil.
Neni 95, pika 5, i Kushtetutës së Kosovës, thotë se me dorëheqjen e kryeministrit, Qeveria që udhëheq ai ose ajo, rrëzohet e tëra./ Opinion.al
