Vazhdon debati në distancë mes kryeministrit Edi Rama dhe homologut të tij kosovar, Ramush Haradinaj në lidhje me atë se çfarë ndodhi në samitin e Berlinit.
Dy ditë më parë, Haradinaj tha se Rama i kishte bërë presion që të hiqte taksën për Serbinë më shumë se Merkel dhe Macron.
Por Rama hodhi poshtë këtë akuzë, duke treguar versionin e tij. (LEXO LAJMIN KÊTU)
Këtë të enjte nga mbledhja e qeverisë së Kosovës, Haradinaj ka thënë:
“Shiqoni për mu shqiptarët edhe të majtë edhe të djathë janë vëllaznit e mi ua kam borgj të vërtetën “Rrnoj me tregu”, do të tregoj të vërtetën edhe kur i pëlqen edhe kur i pëlqen edhe kur si pëlqen dikujt do ta tregoj çdo herë, sepse jemi në obligim të një transparence këtë do ta bëj edhe të ardhmen. E shoh me atë që ka thënë At Zef Pllumi: Rrno me tregu, shyqyr që aty është dikush me tregu të vërtetën”.
Ai tha se ishte shumë i kujdesshëm në intervistën që dha për Gazetën Express nga Berlini.
“Atë që kam thënë në intervistë që vërtetë është një intervistë e kujdesshme që kam rujt shumë, se po thotë dikush skem me hesht, vërtetë kam rujt shumë gjana, ajo qëndron, njëkohësisht është me rëndësi që të kemi një qëndrim publik, edhe ai me dyer të mbyllura është i mirëseardhur”./Opinion.al
