Kreu i Aleancës për Ardhmërinë e Kosovës, Ramush Haradina deklaron se qeveria e Kosovës nuk ka dhënë asnjë cent për mbrojtjen e tij në Francë. Pak ditë pasi gjykata në Kolmar vendosi ti thotë JO ekstradimit të Haradinajt në Serbi, ai u kthye në vendlindje si hero. Lirimi i tij u përshdent dhe nga Mustafa dhe Thaçi. Por gjërat duket se nuk janë ashtu si duken. Vetë Haradinaj i cili është në opozitë në Kosovë, tha se qeveria nuk ka paguar asgjë as shpenzimet e gjyqit dhe as të mbrojtjes.
Deklarata u bë në emisionin ‘Komiteti’ në RTV Dukagjini, ku Haradinaj është shprehur: “Asnjë cent qeveria s’e ka dhënë. Faturat janë dërguar me kohë. Jam detyruar me thirrë dike në telefon prej instancave të larta me i pyet a duan ta paguajnë që të mos i rrejmë atje, kur e kam kuptuar se ata nuk kanë paguar asgjë jemi detyruar të paguajmë vet. Shpenzimet e mbrojtjes pastaj i ka paguar Gani Dreshaj, biznesmen dhe politikan. Shuma e shpenzimeve të mbrojtjes është 70 mijë euro”.
