Pas vendimit të ministrave të vendeve anëtare të BE, kryeministri Edi Rama është shprehur se vendi hyri në një fazë të re të historisë.
Rama tha se Qeveria nuk do festonte dhe po të ishte në kohë paqeje, ndërsa shtoi se vendi do të vijojë me plotësimin e detyrave që do i garantoj anëtarsimin e plotë në BE.
“Po njësoj do vazhdojmë e do bëjmë detyrat e kësaj shtëpie, jo se na e kërkojnë ata që sot na thanë më në fund po, por se na e kërkon amaneti i të parëve dhe borxhi ndaj fëmijëve tanë. S’do ndalemi në plotësimin e cdo detyre deri sa të hyjmë në dhomën e madhe të ndenjes së BE, ku më në fund eshtrat e rilindasve do prehen të qeta në varrezat e dëshmorëve të Evropës, ku do valëvitet i barabartë mes të barabartëve edhe flamuri kuqezi i Gjergj Kastriotit. Deri atë herë puna për tu bërë është ende e madhe. Nuk do bënim festë edhe sikur kjo kohë e shumëpritur të na gjente në kohë paqe. Sot ka vetëm një festë në mendjen time, e clirimit nga ky armik i padukshëm që na ka sulmuar egërsisht. Sot jetoj cdo ditë për atë ditë. Ditën e clirimit ku t’ja kemi dalë ti mbijetojmë kësaj lufte”,tha Rama. /Opinion.al
