Komisioneri për Zgjerim Johannes Hahn ka folur mbi perspektivën e Shqipërisë dhe të Maqedonisë së Veriut në Bashkimin Europian. Ai ka thënë se të dyja këto shtete janë një shembull i mirë se si Bashkimi Europian po bashkëpunon me Ballkanin Perëndimor, për ta ndihmuar rajonin në ndërtimin e një të ardhme më të mirë.
“Ballkani Perëndimor tani ka një mundësi të vërtetë. Megjithatë, pranimi në Bashkimin Europian është një sfidë që kërkon përpjekje të forta. Mbetet shumë për t’u bërë. Anëtarët e ardhshëm duhet të respektojnë vlerat e Bashkimit Europian dhe të punojnë për pajtimin dhe bashkëpunimin rajonal. Për më tepër, shtetet anëtare të Bashkimit Europian duhet të përmbushin angazhimet për të cilat kanë rënë dakord”, ka thënë Hahn.
Duke folur për Marrëveshjen e Prespës, Hahn është shprehur i bindur se shtetet anëtare do ta vlerësojnë progresin e Maqedonisë, duke i hapur negociatat përpara verës dhe ka shtuar se edhe Shqipëria është një shembull pozitiv në rajon./Opinion.al
