Kreu i PD, Lulzim Basha vlerësoi vendimin e KE për rekomandimin e hapjes së negociatave. Ai tha se ky vendim i dedikohet njerëzve të thjeshtë. Sipas tij, PD do të jetë partia e cila do të nis procesin e hapjes së negociatave.
“Rekomandimi për hapjen e negociatave është një lajm i shkëlqyeshëm për Shqipërinë dhe shqiptarët. Urojmë që ky rekomandim të kthehet sa më parë në një vebndim të Këshillit Europian për hapjen e negociatave”, tha ai.
Me tej theksoi se “kjo është një fitore e qytetarëve shqiptarë. Besojmë tek e ardhmja e vendit. Hapja e negociatave do të jete fillimi i një rruge të gjatë, por të pakthyeshme. Sot ka një ditë shpresë për shqiptarë që e duan Shqipërinë si gjithë Europa. Ja dedikoj këtë arritje dhe ja njoh si merite njerzëve të thjeshtë. Ka qenë presioni i tyre që politika të ndëmrarra hapat për integrim”.
