Kreu i grupit parlamentar socialist, Taulant Balla ka publikuar një letër të 73 europarlamentarëve të cilët i kanë Këshillit Europian caktimin e një date për celjen e negociatave me Shqipërinë dhe Maqedoninë e Veriut.
Sipas tyre një vendim pozitiv në favor të dy vendeve nuk do të ishte lajm i mirë vetëm për to por do të rriste edhe besueshmërinë e BE në rajon.
“Metodologjia e re e Zgjerimit ka adresuar tashmë edhe hezitimin e tetorit të shkuar të ndonjë prej vendeve anëtare të BE, pozicioni i të cilave divergjoi mbi shpejtësinë dhe axhendën e procesit. Jam besim-plotë Këshilli Europian të enjten do të miratojë fillimin e bisedimeve për anëtarësim me Shqipërinë dhe Maqedoninë e Veriut” shkruan Balla.
Sipas një draft vendimi që ka siguruar Reuters, 27 vendet e bllokut kanë rënë dakord që negociatat të hapen për të dy vendet. Megjithatë aty përmenden gjithashtu se Shqipërisë do t’i kërkohen kushte të tjera përvec atyre të Bundestagut, që kanë të bëjnë me minoritetin grek, ligjin e mediave dhe ndëshkimin e politikanëve. /Opinion.al
