Bregdeti duket se do të mbetet edhe për një kohë të gjatë, një kantier i madh ndërtimi. Në mbledhjen e Këshillit Kombëtar të Territorit u diskutuan një seri lejesh zhvillimore dhe ndërtimi për komplekse turistike, impiante pastrimi, apo dhe një port në Porto-Palermo.
Disa nga këto komplekset
Së pari, leja e ndërtimit të kompleksit turistik Ionian Olea në Dhërmi, më pas kemi një leje ndërtimi për kompleksin turistik Gone-Perivol në Himarë me subjekt zhvillues Concord Investment sh.p.k. Leja e tretë e ndërtimit lidhet me një kompleks agro-turistik të pagëzuar si Green Village në Ishëm të Durrësit me zhvillues subjektin “Green Step” sh.p.k.
Nga ana tjetër shoqëria Green Coast ka kërkuar rishikim të kushteve të lejes ekzistuese për resortin turistik Green Coast që po ndërtohet në Palasë.
Mane TCI ka kërkuar një leje zhvillimi për një Lungomare në Gjirin e Lalzit. E fundit nga komplekset lidhet me ndryshimin e projektit për resortin turistik New Born i cili po ndërtohet nga kompania StarTek në Gjirin e Lalzit.
Një tjetër lejë e rëndësishme e Këshillit Kombëtar të Territorit është ajo për ndërtimin e një porti tjetër në Porto Romano nga kompania Port MBM ku aksionerë janë tre kompani Mampaey Offshore Industries, Salillari dhe Adriatic Petroleum Platform. Ky koncesion është miratuar me një vendim të veçantë në vitin 2015 nga qeveria.
