Aktualitet

‘Hapet loja’ për ndryshime në Kodin Zgjedhor


Bëhu pjesë e Grupit Zyrtar të Opinion.al
>> KËTU <<
               Publikuar në : 09:31 - 02/11/15 |
b.f

TIRANË- Lëvizja Socialiste për Integrim e cilëson si një kthim mbrapa te sistemi i Dushkut sistemin elektoral me Prim. Ndërsa Partia Demokratike do të kërkojë ngritjen e një komisioni parlamentar për ndryshimet në Kodin Zgjedhor. Sistemi zgjedhor me Prim, që favorizon partitë e mëdha duke i ndihmuar në krijimin e një shumice parlamentare, nuk i pëlqen Lëvizjes Socialiste për Integrim. N/kryetari i saj Ylli Manjani e ka krahasuar atë me fenomenin e “Dushkut” në zgjedhjet e vitit 2001. “Primi do të jetë një hap mbrapa, një kthim te sistemi i Dushkut, pasi partitë marrin vota që nuk t’i jep populli, por sistemi”, është shprehur Manjani. Përmes përllogaritjeve elektorale dhe orientimit të votave në proporcional drejt aleatëve të vegjël të PS-së, e majta në zgjedhjet e vitit 2001 arriti të nxjerrë 10 deputetë nga një zonë fare e vogël e Dushkut, pranë Lushnjes. Nëse sistemi zgjedhor me Prim do të aplikohej në Shqipëri, përllogaritet që ai t’i japë deri në 20 deputetë ekstra partisë më të madhe. Kjo do të penalizonte partitë si Lëvizja Socialiste për Integrim, ndaj dhe Ylli Manjani ka deklaruar se çdo ndryshim në Kodin Zgjedhor duhet diskutuar në një tryezë të gjerë shumëpartiake. Ndërkohë, nga partitë e mëdha, mund të jenë demokratët ata që do të ndërmarrin një hap konkret drejt ndryshimit të Kodit Zgjedhor. Burime nga kjo parti bëjnë me dije se PD do t’i kërkojë Kuvendit krijimin e një komisioni të posaçëm parlamentar ku të kanalizohen ndryshimet në Kodin Zgjedhor, si dhe adresimi i problematikave të tjera të procesit elektorak, që u evenduan edhe në raportin e vëzhguesve të OSBE/ODIHR-it në garën e fundit për pushtetin vendor 21 qershorin e kaluar. /abcnews/

KOMENTO (2)

Shkruaj nje koment

Pas