Në kuadër të javës Franceze, në Tiranë te Piramida u hap Kubi i Francës.
Bëhet fjalë për ekspozitën e skulpturës “Richard Orlinski”.
Lajmin e bëri të ditur kryeministri Edi Rama përmes një postimi në rrjete sociale, ku ka ndarë disa momente nga inagurimi i këtij destinacioni të ri kulturor dhe teknologjik në majën e Piramidës në Tiranë.
“MIRËMËNGJES
dhe me hapjen e Kubit të Francës, një destinacion i ri i kulturës, edukimit, teknologjisë në majën e Piramidës, ju uroj një ditë të mbarë”, shkruan Rama.
Kubi francez u çel me pjesëmarrjen e kryeministrit, ambasadores së Francës, Chaterine Suard, të dërguarit me punë të SHBA, David Wisner, kryebashkiakut Veliaj dhe ministrave të tjerë të kabinetit qeveritar.
Hapja e këtij destinacioni të ri për të rinjtë dhe jo vetëm është në kuadër të Javës Ndërkombëtare Kulturore Franceze në vendin tonë, siç është bërë traditë tashmë prej 3 vjetësh.
