Autoritetet greke kanë njoftuar se duke nisur nga dita e sotme deri në datën 31.05.2021, nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal.
Të gjithë personat që do të udhëtojnë drejt Greqisë si puntorë sezonal do i nënshtrohet një testi të shpejtë COVID-19, në Pikën e Kalimit Kufitar Kapshticë.
Sipas njoftimit të autoriteteve, numri i personave që mund të udhëtojnë drejt Greqis është 400 persona deri në datën 31.05.2021, nga ora 08:00-16:00, të cilët gjithashtu duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.
Asnjë kategori tjetër nuk do të lejohet të hyjë drejt Greqisë. Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
