Një godinë e re për Fakultetin për Studimet Profesionale do të hapet në Universitetin ‘Aleksandër Moisiu’ në Durrës.
Ky lajm është bërë i ditur nga vetë kryeministri Edi Rama, i cili përmes një postimi në rrjete sociale ka publikuar pamje nga hapja e kantierit.
Ai shkruan se po investohet për ngritjen e një hapësire me 45 auditorë, 15 laboratorë, salla konferencash, terrene sportive dhe ambiente për 1700 studentë dhe 80 pedagogë e staf akademik.
“Mirëmëngjes dhe me hapjen e kantierit për ndërtimin e Fakultetit të Studimeve Profesionale në Universitetin “Aleksandër Moisiu” në Durrës, ku po investohet për ngritjen e një hapësire me 45 auditorë, 15 laboratorë, salla konferencash, terrene sportive dhe ambiente për 1700 studentë dhe 80 pedagogë e staf akademik, ju uroj një ditë të mbarë”, shkruan Rama./Opinion.al
