Ditën e sotme është hapur kantieri i parë “River side” ose “Bregu i lumit”, një nga lagjeve e reja të Tiranës.
Arben Ahmetaj, ministri i Rindërtimit, tha se bregu i lumit do kujtohet si një simbol i ndryshimit të madh. Sipas ministrit të Rindërtimit, në këtë kantier do angazhohen mbi 1600 të punësuar.
Ministri bëri me dije gjithashtu se në këtë zonë do të jetë ndërtesa e përbashkët e Tatim-Doganave dhe një gjimnaz i ri.
“Do jetë një nga lagjet më moderne që do ketë kryeqyteti, e jo vetëm. Kjo është shumë më shumë se një lagje, e konceptuar si një qytet më vete ku do akomodohen 11 mijë familje. S’do jetë një koncept i një lagje të lënë pas dore në periferi të Tiranës por do jetë një nga 4-5 qendrat e reja të qytetit”, theksoi Ahmetaj.
