Ka nisur në orën 07:00 procesi i votimit për zgjedhjet parlamentare 2017. Qendrat e votimit janë të hapura deri në orën 19.00.
Sipas KQZ-së materialet zgjedhore janë shpërndarë në të gjithë vendin dhe komisionet e qendrave të votimit janë të gatshme për të nisur procesin e votimit.
Për këto zgjedhje janë regjistruar 3 452 260 zgjedhës, bazuar mbi të dhënat e regjistrit kombëtar elektronik, ndërsa në të gjithë vendin janë ngritue 5362 qendra votimi. Procesi do të administrohet nga 90 komisione zonalë të administrimit zgjedhor (KZAZ).
Të regjistruar si subjekte elektoralë janë 18 parti politike, që konkurojnë me vete.
***
Voton kreu i KQZ
Kryetari Komisionit Qendor të Zgjedhjeve(KQZ), Klement Zguri votoi në mëngjes në Qendrën e Votimit 1730/1, te Liceu Artistik, ne Tirane.
“Në emër të KQZ dhe në emrin tim ju bëj thirrje shqiptarëve që masivisht te dalin në zgjedhje dhe të ushtrojnë të drejtën e votës në liri të plotë dhe respekt të ligjit. Kjo është dita e tyre, kjo është demokracia dhe shpresoj shumë që zgjedhjet të zhvillohen në qetësi, transparencë dhe komisioneret ta mirëadministrojnë procesin”, theksoi kreu i KQZ-se.
