Kryeministri Edi Rama dhe ministrja e Shëndetësisë Albana Koçiu ndodhen në Spitalin Pediatrik, ku për herë të parë janë hapur dy klasa mësimore.
Këto ambiente janë të pajisura me teknologjinë më të fundit digjitale dhe mjete të nevojshme didaktike.
Sipas Manastirliu, fëmijët do të kenë mundësi të ndjekin mësimin përmes teknologjisë dhe aktiviteteve edukative, duke përfshirë edhe mësimin sipas kurrikulës shkollore dhe aktivitete argëtuese si lexim, muzikë dhe art.
“Janë tashmë gati dy klasa të mësimit që kemi hapur falë ndihmës së çmuar të Fondacionit SASA Setton. Një klasë për mësimin përmes teknologjisë dhe për mësimin sipas kurrikulës së shkollës për fëmijët që janë shtruar në Spitalin Pediatrik edhe një klasë arti. Kemi vendosur katër mësues të sistemit arsimor dhe një mësuese që është e përhershme në pediatri, mësuese e ciklit fillor. Katër mësues të cilët do të jenë pjesë e ‘shkollës’ së ndërtuar tashmë në Spitalin Pediatrik, të dyja klasat janë funksionale, do të ofrojnë mësim, por edhe argëtim për fëmijët që trajtohen në këtë spital”, tha Manastirliu.
