Shkencëtarët besojnë se njerëzit mund ta përmirësojnë kujtesën e tyre nëse i përmbahen konsumimit të ushqimit me kalori të kufizuara , shkruan revista “Proceedings of the National Academy of Sciences”.
Në një studim të realizuar nga Universiteti i Munsterit në Gjermani kanë marrë pjesë një grup prej 50 vullnetarësh me moshë mesatare prej 60vjeçare. Rezultatet nga ky studim kanë treguar se pjesëmarrësit të cilët gjatë tre muajve kishin zvogëluar konsumimin e ushqimeve me kalori të lartë, kishin treguar rezultate dukshëm më të mira në testet për kujtesën, në krahasim me ata persona të cilët kishin vazhduar me ushqimin e zakonshëm.
Këto të dhëna lënë të kuptohet se ushqimi me konsumim të kufizuar të kalorive mund të mbrojë nga humbja e kujtesës.
