“I kemi parë të hanë minj të gjallë e gjëra të tilla. Kina e ka paguar shtrenjtë”. Ishte kjo frazë e guvernatorit të Venetos Luca Zaia, qëshkaktoi reagim të menjëhershëm të ambasadës kineze në Itali, që I cilësoi këto fraza ofenduese.
Zaia është detyruar të kërkojë ndjesë, duke thënë se kjo frazë I kishte dalë keq.
“Jam masakruar për një frazë që doli keq. Nëse dikush është ndjerë i ofenduar, kërkoj falje. Nuk ishte qëllimi im që të përgjithësoja. Doja të vija në dukje lajmet e rreme dhe videot që qarkullonin përpara se virusi të vinte në Itali”, shtoi Zaia për “Corriere della Sera”.
Në lidhje me higjienën dhe zakonet e kinezëve, Zaia saktësoi: “Doja të thoja se siguria ushqimore dhe sanitare ndryshon nga njëri vend në tjetrin. Ishte një reflektim për një vend që ka motropole moderne dhe zona të tjera që janë komplet e kundërta”./ Opinion.al
