Ish-futbollisti i kombëtares shqiptare, Hamdi Salihi, është renditur i 28-ti në Europë në listën për golashënuesit më të mirë të shekullit 21, sipas renditjes së Federatës Ndërkombëtare të Historisë dhe Statistikave (IFFHS).
Salihi, i njohur për karrierën e tij në disa ekipe europiane, ka shënuar 217 gola dhe ka lënë pas emra të njohur si Dirk Kuyt, Francesco Totti, dhe Roberto Del Piero.
Salihi nisi karrierën në vitet 2000 dhe ka luajtur për ekipe të njohura si Vllaznia, Tirana, Ried, Rapid Vienna, dhe Skënderbeu. Ai gjithashtu ka qenë një nga lojtarët kryesor të kombëtares shqiptare, duke shënuar 11 gola në 50 ndeshje.
Në krye të listës qëndron Cristiano Ronaldo me 557 gola, pasuar nga Lewandowski me 402 dhe Ibrahimovic me 393 gola.
