Shpëtim Hala, kandidati i tretë zyrtar për kreun e FSHF-së deaklaroi se e sheh veten si kandidatin më të të fortë në garë. Për Armando Dukën, ish-arbitri për disa vite në Itali u shpreh se ka bërë histori në drejtimin e futbollit shqiptar, ndërsa për Bashkim Finon u shpreh se ka kontribute në politikë dhe jo në futboll.
Shpëtim Hala shtoi se mediatikisht edhe Duka edhe Fino janë të fuqishëm, por janë platformat që duhet votuar jo emrat.
“Përderisa pranova të jem në garë mendoj që jam unë. Duka ka bërë histori në drejtimin e futbollit në Shqipëri. Mendoj se ka punuar mirë. Fino ka kontribute në politikë. Nuk e di se si mund të jetë si drejtues i federatës. Gara është e hapur. Mediatikisht janë të dy të fuqishëm, por janë platformat që duhen votuar jo emrat.” – u shpreh Hala në një intervistë për “News 24”.
