Erjon Braçe është i pari që është përfshirë në debatet për pafajësinë e organizatës “Hakmarrja për Drejtësi”. Ndërsa pritej reagim nga Rama dhe Tahiri të cilët nuk kanë nguruar të sujmojnë gjyqtarët sa here vendimet nuk u kanë pëlqyer, kësaj radhe ka reaguar Erjon Braçe që është n/kryetar grupi dhe kreu i komisionit të Ekonomisë.
Braçe e ka inatin me Berishën, të cilit i thotë se “Hakmarrja” ishte një sajesë e tij ndaj anëtarët kanë përfituar azil në vendet e BE-së.
Statusi i Braçes në facebook
“I mirekuptoj ulërimat e Sali Berishës për këtë “Hakmarrjen” e tij. Natyrisht që i dëgjoj me vëmendje dhe “konkluzionet” e tij me Albanistan, banda, lidhje të banditit Edi Rama me banditë të tjerë.
Ashtu siç edhe klithmat e çunit, për skenarë me banditë në zgjedhje.
Hall tjetër ky çuni, Lulzimi gjithnjë.
Një pyetje e kam ama…
Po këto vendet e BE që kanë 20 vite që i kanë dhënë “azil politik”, edhe një herë “azil politik”, këtyre “banditëve” të shpallur nga Sali Berisha e Lulzim Basha, të dominuar nga banditët janë?
Domethënë Sali e Lulzim;
Vendimi nuk është dhënë sot (dje)! Kot bërtisni!
Në BE, ka vite që kanë marrë këtë vendim.
Banditët e shpallur nga ju, janë azilantë politikë, të mbrojtur në vendet e BE-së.
Domethënë vendimet e gjykatave këtu, në kohën tuaj, nuk janë marrë hiç parasysh në BE, përkundrazi, ato vendime i kanë dhënë azilin politik atyre.
Këtë a na i shpjegoni dot?
