Irani paralajmëroi se do të ketë hakmarrje për komandantin e vrarë, Qasem Soleimani nga një sulm ajror amerikan. Por cilat janë vendet më të rrezikuara dhe a ka mundësi për një përplasje direkte mes Shteteve të Bashkuara dhe Iranit? Po Shqipëria sa rrezikohet?
Studiuesi Ermir Gjinishi mendon: “Irani do hakmerret se pse nuk ka zgjidhje tjetër, ai tenton të mbajë lart moralin e ushtarakëve dhe të ruaj zonat e influencës në rajon, pasi është hera e parë që i shtrin kaq ashpër. Pikëpyetja është kjo: A do të ketë përplasje direkte SHBA-Iran? Deri më tani të gjitha analizat e anashkalojnë mundësin e një përplasje. Cilat mund të jenë skenarët e mundshëm të reagimit të Iranit? E para, Irani nuk diskutohet që do të aktivizojë të gjithë milicinë, kryesisht në Bagdad për të goditur trupat dhe interesat amerikane. Por, nuk është vetëm kaq, ka dhe shtetas amerikan dhe biznesmen amerikane që jetojnë në Irak. Skenari numër dy është që Irani të hapi rrezen e veprimit e të angazhojë të gjitha milicit që ka ngritur nëpërmjet Sulejmani. Domethënë të bëj goditje në Liban nëpërmjet Hesbullahut, në Siri, Irak, Jemen, Arabinë Saudite dhe Emiratet e Bashkuara Arabe. Emiratet e Bashkuara Arabe, janë në koalicionin që ka ngritur Arabia Saudite me SHBA. Skenari i tretë, Irani mund të godas objektivat amerikane në SHBA, i ka mundësit sepse është shtet. Ndërkohë Rusia ka kërkuar që të marrë një rol negociues mes kësaj përplasje. Është koha kur diplomacia do bëj lëvizjet e veta. A jemi apo jo të rrezikuar? Fakti që në kemi patur një tentativë për të kryer një akt në një situatë më të qetë se kaq, sigurisht që na bën objektiv dhe kjo nuk është për të na frikësuar. Ne kemi marrë një pjesë të opozitës së Iranit në Shqipëri, megjithatë shteti ynë duhet të ishte treguar më i kujdesshëm. Problemi është që shteti duhet t;u kërkoj që të mos kryejnë aktivitet nga Shqipëria. Jo vetëm aktivitet politike. Mediat e Iranit kanë akuzuar MGUN se kanë ndërhyrë pikërisht nga Manza, përmes hakerave në institucionet e rëndësishme iraniane”.
Nga ana tjetër ish-ambasadori shqiptar në OKB, Agim Nesho thotë nuk do të ketë një përplasje direkte. Sipas tij mund të ketë sulme individuale, por objektiv do të jetë vetëm forcat ushtarake.
“Nuk do ketë përplasje direkte. Mund të ketë sulme individuale, nuk kemi parë organizatë terroriste të thërrasë “vdekje amerikanëve”. Mund të ketë një sulm ndaj objekteve militare, jo ndaj civilëve. Nuk do ketë sulme siç bëri Al Kaeda. Amerikanët e kanë treguar se individi është i shenjtë për ta. Ata kanë çuar marinsat në Marok, se u prek gruaja e një tregtari amerikan. Po ashtu diplomacia do marr një rol edhe në këtë rast, fituesi i madh tani është Rusia”./ Opinion.al
