Hakerët kanë vjedhur para dixhitale me vlerë 1.5 miliardë dollarë, në atë që mund të quhet vjedhja më e madhe e kriptomonedhës.
Sipas mediave të huaja, mësohet as hakeri fitoi kontrollin e një portofoli Ethereum dhe transferoi zotërimet e tij në një adresë të paidentifikuar.
Firma, e cila ka më shumë se 60 milionë përdorues në mbarë botën, tha se asnjë portofol tjetër nuk u prek dhe tërheqjet po vazhdonin normalisht.
Kushdo që zotëron kriptomonedha mund të ndihet paksa i rrezikuar pas vjedhjes më të madhe të fondeve ndonjëherë nga hakerat.
Shkelja ndodhi ndërkohë që kompania po bënte një transferim rutinë të Ethereum, kriptomonedhës së dytë më të madhe pas Bitcoin, nga portofoli i saj offline për të plotësuar portofolin e saj që mbulon tregtimin e përditshëm.
Transferimi kishte nevojë për kontrolle dhe nënshkrime të shumta përpara se të realizohej. Megjithatë, sulmuesit duket se kanë maskuar destinacionin e vërtetë të fondeve dhe ata u zhdukën.
Hetuesit po përpiqen të gjurmojnë pasuritë dhe ndoshta edhe t’i rimarrin ato.
Ata gjithashtu do të shikojnë se si hakerat ishin në gjendje të depërtonin në sigurinë e kompanisë.
Grabitja e fundit ka shkaktuar shqetësime në lidhje me sigurinë e industrisë së kriptomonedhave.
Sipas analizave të blockchain Chainalysis ka pasur 303 incidente hakerimi në vitin 2024, me asete me vlerë 2.2 miliardë dollarë të vjedhura./Opinion.al
