Java që shkoi në emisionin “Opinion” ka sjellë në vëmendjen e publikut një sërë temash të rëndësishme të aktualitetit.
E hëna nisi me shkarkimin e Drejtorit të Përgjithshëm të Policisë, ngjarje që ndryshoi në fakt edhe ecurinë e temave të programuara për t’u trajtuar gjatë javës.
Mesatarja e audiencës në këtë emision ishte 34.8% dhe maksimalja arriti 44,3% duke shënuar kështu më të lartën e javës, ndonëse me pak diferencë nga emisionet vijuese.
Ditën e martë në emisionin e titulluar “Libri që tërboi Trump”, mesatarja e audiencës ishte 28.5% dhe maksimalja 36.5 %.
Ditën e mërkurë në emisionin për zhvillimet dhe lëvizjet në Prokurorinë e Përgjithshme: 35.9% ishte mesatarja e audiencës dhe 43.9 % maksimumi.
Ditën e enjte emisioni u fokusua në një analizë për qeverisjen Rama 2, bazuar edhe në sondazhin e zhvilluar në Opinion.al se “Kush është ministri më i pëlqyer”.
Audienca mesatare në këtë emision shënoi 32.2% dhe maksimumi arriti vlerën e 41.4 %.
Ndonëse temat rezultojnë në nivele audience pranë njëra-tjetrës, vërehet se shkarkimi i ish-drejtorit të policisë Çako ka arritur ta thyejë emisionin për Ramën dhe kabinetin e tij. /G.Z-Opinion.al
