Hakerat iranianë kanë publikuar sërish të dhëna të marra nga sulmet kibernetike të sistemeve të vendit tonë.
Këtë herë, sipas “Euronews Albania”, faqja “Homeland Justice” ka publikuar të dhënat e Drejtorit të Përgjithshëm të Policisë së Shtetit, Muhamet Rrumbullaku.
Po ashtu, “Homeland Justice” ka publikuar dhe të dhënat e nëndrejtorit të ri të SHISH, Oljan Kanushi. Mësohet se ata kanë publikuar hyrje-daljet e kreut të Shtetit dhe të Oljan Kanushit.
Kujtojmë se më herët, hakerat iranianë kanë publikuar të dhënat e kreut të Shërbimit Informativ të Shtetit, Helidon Bendo, të ish-drejtorit të Policisë së Shtetit Gledis Nano dhe të kryeministrit Edi Rama./Opinion.al
