Aktorja Hajrie Rondo, pati një betejë të gjatë me sëmundjen e kancerit, ku fatmirësisht arriti të shërohej. Pas disa kohësh mungese, ajo u shfaq në ekran me një pamje të ndryshuar, por me një histori suksesi mbi supe. Por për fat të keq ajo u përkeqësua papritur, dhe ditën e hënë i është nënshtruar një tjetër operacioni në kokë.
Lajmin e bëri publik vajza e saj Klea, e cila deklaroi se aktorja prej 10 ditësh nuk ndihej mirë dhe kështu vendosi të bënte një skaner. Fatkeqësisht kishte nevojë urgjente për një ndërhyrje tjetër. Sipas vajzës së saj, aktorja ka dalë me sukses nga operacioni por ndodhet ende në spital.
