Një 29 vjeçar shqiptar është arrestuar nga karabinierët në Itali pasi u kap në flagrancë teksa po tentonte të vidhte një shtëpi. 29 vjeçari kishte hyrë në një banesë dhe kishte vjedhur disa telefona celularë si edhe shuma parashë.
Ngjarja ka ndodhur në zonën e Lombardisë, ku hajduti u ndoq nga pronari i shtëpisë dhe fqinjët, për të rënë më pas në duart e policisë italiane. Pronari i shtëpisë e kapi 29 vjeçarin në befasi dhe ky i fundit u përpoq të largohej me shpejtësi bashkë me sendet dhe paratë e vjedhura. Fillimisht ai tentoi të sulmonte pronarin si edhe fqinjët që i erdhën atij në ndihmë por është bllokuar pas disa çastesh nga policia./Opinion.al
