Një grup hajdutësh prej 5 personazh kanë vepruar prej disa kohësh në zonën e Kasharit, Yzbershtit, Kamzës dhe autostradës Tiranë-Durrës. Ata përdornin një vajzë si karrem për të vjedhur qytetarët në rrugë. Policia tha se ka arrestuar 4 djem dhe një vajzë është shpallur në kërkim.
Të arrestuarit:
Fatjon Bushgjokaj, 26 vjeç, banues në Tiranë, i dënuar më parë për veprën penale “Vjedhje me dhunë në bashkëpunim”
A. B., 17 vjeç, banues në Tiranë, i dënuar më parë për veprën penale të “Vjedhjes”
Ndue Bushgjokaj, 24 vjeç, banues në Tiranë
Elton Leka, 19 vjeç, banues në Tiranë
Është shpallur në kërkim shtetësja, R. L.
Skema e vjedhjeve
Vajza me iniciale R. L ndalte qytetarë të rastësishëm në rrugë, duke u kërkuar celularin për të bërë një bisede pasi s’kishte para. Më pas hidheshin në sulm 4 të tjerët duke i marrë ‘viktimës’ jo vetëm celularin, por edhe kuletën, vareset, madje dhe xhupin. Disa prej sendeve të grabitura u gjetën në banesën e njerit prej autoreve ne Kamëz
Vjedhjet e kryera
• Më datë 23.03.2017, në Kodër Mëzes, kanë vjedhur shtetasen R. M., të cilës i kanë marrë një telefon të markës “Alfa 5”
• Më datë 23.03.2017, në rrugën “Kasem Shima”, kanë vjedhur shtetasin E. A., të cilit i kanë marrë një telefon të markës “Samsung S3” dhe një xhp lëkure.
•Më datë 28.03.2017, në “Fushë Mëzes”, kanë vjedhur shtetasin I. T., të cilit i kanë marrë një telefon të markës “iPhone 6 S plus”
• Më datë 29.03.2017, tek rrethrrotullimi “Vorës”, kanë vjedhur shtetasin Xh. L., të cilit i kanë marrë një telefon të markës ” iPhone 4S” dhe 4 mijë Lekë të reja.
• Më datë 31.03.2017, pranë ish “Casa Italia”, kanë vjedhur shtetasin O. H., të cilit i kanë marrë një telefon të markës “Doogee” dhe 12 mijë Lekë të reja.
• Më datë 01.04.2017, në rrugën dytësore të autostradës Durrës–Tiranë, kanë vjedhur shtetasin R. Ç., të cilit i kanë marrë një telefon të markës ” iPhone 6 S plus”
• Më datë 01.04.2017, në rrugën “Sokrat Mio”, kanë vjedhur shtetasin S. M., të cilit i kanë marrë një telefon të markës “iPhone 6”, një varse, një orë dore, 15 mijë Lekë të reja dhe xhupin.
Pamje nga arrestimet
