Autoritetet greke kanë arritur të finalizojnë një operacion duke goditur një grup personash që vepronin si organizatë kriminale dhe kryenin grabitje në mjetet e transportit publik në Greqi.
Protothema.gr shkruan se në total janë vënë në pranga 19 persona, shumica e të cilëve janë shqiptarë. Po ashtu kanë publikuar edhe identitetet dhe fotot e tyre.
Arrestimet u kryen gjatë një operacioni të posaçëm të nëndrejtorisë së Sigurimit të Athinës, me asistencën e punonjësve të policisë së nëndrejtorive të Prokurorisë së Drogës, si dhe Prokurorisë së Krimeve të Jetës dhe Pronës. Ndaj të arrestuarve u ngrit një kallëzim penal për vjedhje si dhe tentativë për bashkëpunim, dhe shkelje të ligjit për pastrimin e parave.
Sipas policisë greke, të akuzuarit që nga fillimi i tetorit 2021, kishin formuar një organizatë kriminale të strukturuar në mënyrë hierarkike, me veprim të vazhdueshëm, role të dallueshme, të ndara në nëngrupe dhe me qëllim vjedhjen e përditshme në kurriz të pasagjerëve, në transportin publik (autobusët e qytetit, karroca, metro, trenat e stacionit hekurudhor të Larisës), si dhe jashtë, në stacionet e tyre./Opinion.al
