Deputetja Rudina Hajdari tha sot në një konferencë për mediat në Kuvend se vendimi për të shkarkuar atë si kryetare e grupit parlamentar “Demokrat” nuk është i rregullt dhe se i shërben Edi Ramës dhe Lulzim Bashës.
Hajdari deklaroi se dokumenti i dorëzuar në kuvend që njoftonte emërimin e kryetarit të ri nuk është në përputhje me rregulloren e Kuvendit. Kjo lëvizje sipas saj ka për synim të shmangë vëmendjen nga hapja ose jo e negociatave dhe për të sabotuar reformën zgjedhore.
Hajdari akuzoi gjithashtu kreun e opozitës, Lulzim Basha si një nga personat që ka shtyrë tre deputetët e grupit të saj parlamentar për të marrë këtë iniciativë të paparashikuar në mbledhje.
“Ai dokument nuk në asnjë përputhje me rregulloren e kuvendit, nuk është firmosur nga unë. Kjo lëvizje ndihmon Edi Ramën dhe Lulzim Bashën. Ajo ka për qëllim të shmangë vëmendjen nga hapja ose jo e negociatave. Ne sot duhet të merreshim me hapjen e negociata, por tre persona kanë për qëllim që të sabotojnë Reformën Zgjedhore dhe këtu dalim tek Lulzim Basha. Ka një tentativë që të spostohet roli im. Ne na intereson që të hapen negociata, nëse jo e dini shumë mirë se kush është fajtor. Rama dhe Basha. Këta persona që kërkojnë spostimin tim, nuk kanë dhënë asnjë kontribut në parlament. Kjo ishte një tentativë e imponuar dhe e programuar shumë mirë nga këta tre persona, Lita, Zeneli dhe Elezi. Këta tre persona nuk ka për ta shkatërruar opozitën, pavarësisht se po ndodh nga jashtë. E kundërta, do të forcohemi akoma më shumë, kemi një qëllim të vetëm për ndryshimin e sistemit. Ju e dini kush janë, Basha dhe Rama. Mbledhje e paparashikuar. U mblodhëm për të ndarë grupin e punë për Reformën Zgjedhore. Unë u thashë më lini një javë kohë, ky e bëri fakt të kryer që unë dhashë dorëheqjen. Ishte ky plan i Litës që ta bënte fakt të kryer. Grupi ekziston, sepse këto ankesa shkojnë tek Kryetari i Kuvendit, i kam dorëzuar një shkesë që rendit të gjithë ato problematike të asaj shkrese. Është marrë në mënyrë të padrejtë, u është thënë se kam dhënë dorëheqjen. Në mbledhje më kanë bërë këtë propozim, le ta mendojmë, të kthjellohemi, më jepni kohë ta mendojë se çfarë po ndodh. Nëse marr përsipër të jem kryetare e këtij grupi, e marr përsipër për ta bërë më shumë privilegj dhe krenari. Nuk u thashë unë që të jem kryetare e grupit, ishte një kërkesë e atyre që unë të drejtoja grupin. Nuk i kam borxh kryetarit se më ka vënë në list, jo”, u shpreh Hajdari. /Opinion.al
