“Kushdo që ka hedhur firmën për përjashtimin tim do të ketë përballjen time. Unë këtij vendimi do ti shkoj deri në fund dhe nuk lejoj që organizata që unë krijova të degjeneroj në këtë mënyrë”. Kështu është shprehur Mimoza Hafizi lidhur me vendimin për përjashtimin e saj nga LIBRA dy ditë më parë, pak minuta pas kryetari i kësaj lëvizjeje Ben Blushi kishte deklaruar dorëheqjen nga kjo forcë politike.
E ftuar në emisionin e gazetares Eni Vasili, Hafizi ka shtuar se largimi I saj nga partia është proces që ajo do e çojë deri në fund.
“Do i çoj para përgjegjësisë të gjithë njerëzit që kanë vendosur, një komision jo i mbledhur në mënyrë legjitime, ridikulizon organizatën tonë. Situatë e papranueshme dhe qesharake”, tha Hafizi.
