Edhe pse forca politike shprehen se janë dakord që dhe qytetarët që banojnë jashtë vendit të kenë të drejtën e votës, ende nuk po bëhet asgjë konkrete në këtë drejtim.
Në emisionin “Opinion”, po diskutohet tema “Si dot votojmë ne dhe emigrantët”. Për të diskutuar për këtë çështjen, ka folur përfaqësuesi i lëvizjes “Diaspora e Lirë”, Florian Haçkaj i cili ka treguar si bazohet plani i tyre për votimin e emigrantëve shqiptarë.
Ai ka sqaruar se si mund të realizohet votimi i emigrantëve si dhe për një vendim të dhënë nga Gjykata Kushtetuese para më shumë se një viti për këtë çështje.
Blendi Fevziu: Cili është koncepti që ju keni? Si realizohet?
Florian Haçkaj, Lëvizja “Diaspora e Lirë”: Vendoset data e zgjedhjeve. KQZ më përpara ka plotësuar të gjithë platformën që duhet, ka lajmëruar njerëzit, ka bërë fushatë ndërgjegjësuese, vendoset data nga Presidenti, i lihet kohë qytetarëve që jetojnë jashtë të shprehin dëshirën nga vendbanimet ku jetojnë, pra të pararegjistrohen. Kjo është për të ja lehtësuar shqiptarëve që duan të votojnë.
Blendi Fevziu: Pra, a ju lejohet një periudhë kohore 2-3 mujore që të regjistrohen në KQZ duke treguar dhe vendin ku janë?
Florian Haçkaj: Në momentin që KQZ e plotëson sistemin ku ti bën kërkesën si qytetar, fillojnë verifikimet dhe pastaj kur fillon votimi, ka një periudhë që i lihet diasporës dhe këtë ne e kemi në projektligj të detajuar që kemi dorëzuar në parlament, vjen zarfi, voton, e çon dhe kjo numërohet në KQZ-në qëndrore në një datë të caktuar, ose para, ose pasi ata të mbyllen. Ne kemi një popullsi që gati gjysma është jashtë, Censi i ri do ta tregojë.
Blendi Fevziu: Në këtë klimë të mosbesimit të partive politike, kush jep garanci që këto letra që shkojnë me postë dhe vijnë me postë, nuk kanë frikë që manipulohen?
Florian Haçkaj: Ne synojmë posta private, nuk duam ta ulim poshtë postën shtetërore shqiptare, por është një pozicion politik, partiak. Ne synpjmë posta private, të bëhet në mënyrën më të sigurtë të mundur.
