Pas ngjarjeve të fundit të ndodhura në vend, dhe grabitjes së parave të një banke të nivelit të dytë gjatë transportimit nga makinat e shoqërisë së sigurisë fizike, ish-kryeministri Berisha ka reaguar ndryshe nga herët e tjera. Përmes një postimi në rrjetin social “Facebook”, ai i del në mbrojtje minitrit të Brendshëm, Saimir Tahiri.
Sipas Berishës, përgjegjës për situatën me sigurinë në vend është kryeministri Edi Rama.
“Portalet e ofendojnë Saje qorrin duke e quajtur turpi i Ramës!
Miq, tek po ju hidhja një sy portaleve sot shof se disa prej tyre nuk e mora vesh sepse shkruanin se turpi i Ramës është Saje qorri. Për herë të parë dhe të fundit më duhet t’i dal zot Sajes dhe jo se ky nuk meriton çdo epitet, çdo cilësim, absolutisht i meriton. Ai është i përshtatshëm për t’i thënë çdo fjalë të fjalorit tonë. Por ajo që unë nuk mund të pranoj kurrë është se Saje qenka turpi i Ramës, ndërkohë që në çdo aspekt, në çdo krahasim absolutisht në çdo kandar dhe në çdo dimension Rama është turpi shumëfish i Saje qorrit.
Kështu që të shkruash se turpi i Ramës është Saje qorri përpiqesh me qëllim, pa qëllim të shpëlash sadopak Ramën, por në fakt më së paku e bën veten qesharak për të mos rrjeshtuar gjëra të tjera. sb”, shkruan Berisha.
