TIRANË- Majlinda Bregu është një nga gratë më të kuruara të politikës që bie në sy për veshjet dhe grimin. Ajo shpesh herë është komentuar për markat e shtrenja të veshjeve, çantave, etj. Por me sa duket ajo që shohim nuk është e vertetë…
E ftuar tek Ermal Mamaqi në Digitalb, ajo tha se “unë nuk kam, por di të vishem”, duke përdorur atë shprehjen popullore “më mirë të dish se sa të kesh”.
Majlinda, tha se është veshur gjithnjë bukur. Ajo kujtoi jetën në rini kur ishte në shtëpinë e babait dhe bashkë me dy motrat visheshin bukur që para disa vitesh. “Kam patur një fustan bojëqiell me pala korenti. Edhe pse e vogël e hekuroja vetë”, u shpreh ajo.
“Unë mendoj se askush nuk duhet të dalë pa u veshur e krehur sado punë të ketë”, vijoi ajo, duke shtuar “se nuk i kuptoj ato që thonë gratë e politikës nuk duhet të mbahen pasi janë shumë të zëna me punë”.
E pyetur se ku i blen rrobat, ajo tha se “unë nuk blej nëpër dyqane. Unë kam një rrobaqepëse që prej 15 vitesh qep rrobat e mia”. /Opinion.al
