Ish-ministri serb i Ekonomisë Dragan Marsicanin ka habitur jo pak me një postim të tij të fundit në tëitter, ku bën thirrje që shteti serb të mos pranojë asnjë pacient kosovar me kancer në spitalet e veta.
Thirrja ka gjetur hapësirë të gjerë në median serbe.
Marsicanin i njohur për prirjet e tij radikale shkruan në profilin e tij: “Quamëni ç’njerëzor, pa shpirt, por unë do ti ndaloja shqiptarët të vinin dhe të kuroheshin nga kanceri në spitalet tona në Beograd. Madje do ti instruktoja që të trajtoheshin në vendet e NATO-s, që përdorën uranium të varfëruar ndaj serbëve”.
Postimi nuk është pritur mirë nga shumë qytetarë serbë, të cilët i kanë kujtuar ish-ministrit se në kushte të tilla shëndetësore asnjë serbi nuk i ndalohet kurimi në asnjë spital të botës. Dl/ Opinion.al
