Ndërsa po i fliste mbështetësve të tij në Pensilvania, Trump tha se ka më shumë fansa se Beyonce, Jay Z dhe Bruce Springsteen.
New York Times ka vendosur ta vërtetojë këtë deklaratë të Trump, njësoj siç ka bërë edhe me shumë të tjera. Në vitin 2016 Trump tha se më shumë se 49 mijë njerëz (të cilët erdhën falas) u mblodhën për ta dëgjuar gjatë garës presidenciale kundër Hillary Clinton. Kjo krahasuar me mbi 57 mijë njerëz të cilët paguan shuma marramendëse për biletat e koncertit të Jay Z dhe Beyonce këtë verë në Berlin, pas publikimit të këngës Apeshit klipi i së cilës u xhirua brenda Muzeut të Luvrit, dhe 80 mijë të tjerëve që mblodhi Bruce Springsteen në 2016 në Dublin.
Nëse Trump do të kishte ndjekur të paktën një koncert live të Beyonces në jetën e tij, me siguri nuk do ta bënte këtë deklaratë.
Kjo nuk është hera e parë që presidenti i Shteteve të Bashkuara bën deklarata të tilla. Të njëjtën gjë ai e ka thënë fillimisht në vitin 2016 gjatë fushatës së tij. “Beyonce dhe Jay Z. Më pëlqejnë shumë ata të dy. Por e dini çfarë? Unë kam më shumë fansa se ata. Është e vërtëtë. Shumë më shumë fansa,” tha ai sipas mediave amerikane. /Opinion.al
Më poshtë mund të dëgjoni deklaratën e tij të plotë:
TRUMP on Hillary: "She would bring in Beyonce & Jay-z would get up & use language that is so bad. They would say 'Trump's language is tough.' You have heard Jay-Z. She would bring in Springsteen. They were drawing crowds smaller than mine. I said, 'why are we going to lose?'" pic.twitter.com/MMGDYct9I2
— Aaron Rupar (@atrupar) August 3, 2018
Dhe nëse nuk e keni parë ende klipin që është konsideruar si vepë arti, shiheni këtu:
