Çiljeta Xhilaga ishte sot e ftuar në rubrikën “Kush Vjen për Drekë”. Siç dihet personazhet e kësaj rubrike, përveç se gatuajnë dhe ekpslorojnë ushqime, tregojnë edhe detaje për veten. Kështu edhe këngëtarja na ka rrëfyer një detaj për veten e saj të cilin nuk e dinim. E pyetur nga dietologia Blerina Bombaj në lidhje me planet për fëmijët e ardhshëm, ajo ka zbuluar se e shef veten si mama çunash.
“Do i bësh një motër ose vëlla Fernarndos, që të mos e lesh vetëm?”, e pyeti Blerina Bombaj.
Këngëtarja, duke theksuar që po bënte shaka, tha: “Unë shoh veten si nënë çunash jo si nënë gocash. E di pse nuk dua gocë? Se dua që të më përkëdhelë gjithë jetën burri mua, jo të ma marrë dashurinë goca pastaj”. Por thuhet se shakaja është gjysma e të vërtetës…
