Sezoni i fundit i një prej serialeve më të pëlqyer “Game of Thrones” do të nisë në prill. Por përpara premierës dy nga aktoret e njohura në këtë serial Sophie Turner dhe Maisie Williams kanë realizuar një intervistë për “Rolling Stone”.
Ndër të tjera Sophie është shprehur edhe për lidhjen e saj me këngëtarin Joe Jonas si dhe përse mori vendimin që të fejohej që në moshën 22-vjeçare. Ajo theksoi se nuk e priste të fejohej në këtë pikë të jetës së saj.
“Isha duke e përgatitur veten për të qenë vetëm për të gjithë jetën. Por mendoj se kur gjen personin e duhur ti thjesht e di. Ndjej se jam më e madhe në shpirt nga mosha ime. Mendoj se kam jetuar mjaftueshëm për të kuptuar që ai është i duhuri. Kam takuar mjaftueshëm djem dhe vajza për ta ditur. Nuk ndihem si 22, por si 27-28 vjeçe,”-u shpreh aktorja, e cila befasoj me fjalinë se ka patur eksperienca edhe me vajza. Për këtë pjesë ajo u shpreh: “Çdokush eksperimenton. Është pjesë e rritjes. Unë dashuroj shpirtin jo gjininë,”-theksoi Sophie.
Këngëtari Joe Jonas dhe aktorja Sophie Turner pritet të lidhen në martesë këtë verë./Opinion.al/
