Meridian Ramcaj
Ky ishte refreni i seances se fundit parlamentare, kjo ishte pergjigja me te cilen kryeministri i vendit iu drejtua deputeteve te parlamentit te tij, njerezve qe jane si ai, ky eshte refreni i qeverisjes, kjo eshte shprehja qe ndjek kudo, prej vitesh, cdo shqiptar qe mendon ende se mund te besoje ne nje te neserme me shprese, se me ndershmeri, pune, shkollim e merite mund te siguroje nje te ardhme me te mire ne vendin e tij..
Nese je i ri sot, i mesuar te mos vjedhesh, shitesh, besh pazare me veten/voten, me energjite e tua prej te riu, qe beson tek arsimimi si vlere, tek puna si merite, tek ndershmeria si stil jetese, tek njerezit “me te mire se vetja” si menyre identifikimi e socializimi, je i deshtuar, ose me sakte “ha pershesh”..
Nese je i varfer e beson qe me shkolle do arrish nje dite te gjesh nje pune e te dalesh nga bataku, gabohesh, sepse duhet nje Parti qe te te gjeje pune, pavaresisht se sa “ta ndjen” per partine e politiken… ajo eshte ushqimi i ndryshem nga persheshi…
Nese je i varfer e mendon se me punen qe ke gjetur, do jetosh denjesisht, ose idealisht do vesh ndonje para menjane, gabohesh serish, sepse nese nuk vjedh, nese nuk shoqerohesh me te forte, me njerez qe njohin ate qe te mban ne pune, nese nuk “e mban mire”, nuk do kesh garanci per ato te ardhura qe te jep kjo pune.. madje as per punen .. e ne kete rast, je perseri perballe fatalitetit qe te mos kesh as edhe nje mbeshtetje sociale per te mbajtur familjen e per t’i dhene pak pershesh… paradoksalisht, do te te duhet te perballesh cdo dite me “te varfrin” tjeter, qe per te gjitha arsyet me siper: sepse zgjodhi te vidhte, te shitej, te lepinte Partine, te lepinte drejtorin e emeruar nga Partia, te flinte me ate gocen/djalin e Partise, te bente ate qe i thuhet te beje, pavaresisht se eshte e paligjshme, e pamoralshme, e paimagjinueshme, arrin te jete i pasur, te shetise me makina luksoze, te punesoje veten e familjen, te beje pushime, te ndertoje shtepi ne qytet e periferi, te paguaje shkollimin e femijeve ne shkollat perendimore.. e te mos haje me pershesh per gjithe jeten..
Nese ke nje biznes te vogel, serish ke nje fatalitet idiot me te cilin duhet te perballesh: se pari, faktin qe nuk kthehesh dot pas, sepse ke investuar kohe, energji, ide e mendje per dicka qe besoje se do te te bente te jetoje larg “te punuarit te mesiperm”, e se dyti sepse cdo dite do te duhet te perballesh me veshtiresi.. me tatimore qe te mbijne ne dere pa skrupullin me te vogel per te bere thjesht nje “verifikim”, me gjobat qe te vijne poshte dere per detyrimet qe ti i kishe paguar por qe “sistemi” qe nuk punon nuk i kishte regjistruar.. hah.. , me inspektorin qe te qan hallin se “duhet me cu lek”, me varavingot sa lart poshte per te zhdoganuar mallin, me berrylat e bizneseve te lidhur me Partine per te ofruar sherbimin qe ti ofron, me mospagesen e faturave se “nuk ka lek”, me nevojen per te punuar i qete.. keshtu qe paguaj, cdo muaj, edhe me teper sesa duhet, se mbase po te rimbursohen kur te jesh duke ngrene pershesh..
Nese ke nje biznes te madh, e ke zgjidhur. Fto per ndonje shishe vere mijera euroshe ministrin, beji ndoshta dy e tre shishe.. dhe ja! tatimi yt eshte minimal, tenderat vershojne drejt teje, partneritetet po ashtu, mediat, madje qe te ndjehesh mire, drejt teje vjen edhe rruga nacionale..
Nese je pensionist, sistemi mendon per ty, te nxjerr ne media e te lodh e peshtiros me teper se sa te kane lodhur vitet, e te ben ta falenderosh qe te rriti pensionin me plot 400 lek te reja.. po po, se ti nuk merr vesh nga indeksimi xhaxh i dashur.. se ti pershesh ha, ate ke bere gjithe jeten..
Nese je nje njeri qe mendon ndryshe, qe nuk behesh pjese e Partise, qe shkruan e poston ne rrjetet sociale statuse humoristike e satirike per sistemin e per mufkat qe sheh verdalle, censurohesh, tregohesh me gisht, anatemohesh, sepse mendon ndryshe… e per kete duhet te “hash pershesh” i marxhinalizuar ne shoqeri, pune, Parti..
Nese je nje njeri qe mendon te qendroje ne vend e mos aplikoje deshperimisht per te ikur nga syte kembet per llotarine amerikane, kanadeze, australiane apo edhe ganeze, japoneze e zelandeze (nese keto te fundit do te kishin nje program te tille), je fatkeq… ha pershesh, ne nje vend ku nuk ke me asnje mundesi.. nuk ke mundesi te ndryshosh asgje, sepse nuk te degjon askush, nuk ke ze..
Vota jote vidhet, zhduket, griset, shitet.. edhe atehere kur ti voton. Te “zgjedhurit” e tu festojne cdo dite ne festivalin e te forteve, te vrasesve, mashtruesve e lacave me makina te bukura e me armet ne brez.. Ndjehesh keq e mos me keq, i mbytur, i zhgenjyer, budalla, i pashprese, i pafat qe linde ne kete vend, e fillon mallkon cdo brezni qe te mesoi te mos ishe i poshter ne kete vend te poshtrish..
E vazhdon zgjohesh cdo dite, per te ngrene pershesh, ne kete pershesh te madh ku fatalisht u linde, duke shpresuar qe nje dite, dikush qe mendon si ti, te te perfaqesoje!
