Pas vrasjes së Arieles një grua ka guxuar të çojë në polici bashkëshortin e saj që e kishte kërcënuar disa here me jete, madje me 8 janar 24 vjeçarja kishte pirë helm duke tentuar të vrasë veten.
Ngjarja ka ndodhur në Fier, dhe policia thotë se ka arrestuar 33 vjecarin Shkëlqim B. Në banesën e tij. “Gjatë ditës së djeshme më 23 janar, bashkëshortja K.B, 24 vjeçe, ka bërë kallëzim se bashkëshorti ka ushtruar dhunë fizike e psikologjike ndaj saj, si edhe e ka kërcënuar për të mos e denoncuar në polici.
Si pasojë e dhunës së vazhdueshme nga bashkëshorti, K.B më 8 janar, ka tentuar të vetëvritet duke pirë lëndë kimike (pesticide bujqësore).
Policia thotë se materialet procedurale i kaluan Prokurorisë së Fierit për veprat penale “Dhunë në familje”, “Kanosja për të moskallëzuar” dhe “Shkaktimi i vetëvrasjes” i mbetur në tentativë.
