(Foto ilustruese)
Tetë të vdekur dhe disa të plagosur është bilanci tragjik i dy javëve të para të muajit gusht si pasojë e aksidenteve rrugore të ndodhura në Shqipëri.
Referuar të dhënave nga data 1 deri me 14 gusht, në Shqipëri, janë shënuar 13 aksidente dhe për pasojë kanë humbur jetën tetë persona.
Vetëm ditën e djeshme, kanë humbur jetën dy persona dhe janë plagosur 4 të tjerë në tre aksidentë të ndryshme që ndodhen në Lezhë, Elbasan e Vlorë.
Nisur nga aksidentet me vdekje të ndodhura gjatë dy ditëve të fundit, Policia Rrugore, ka marrë masat e nevojshme për të parandaluar këto ngjarje. Nga ana tjetër- sqaron ajo- ka nisur këshillimin e drejtuesve të mjeteve, nëpërmjet pikave të kontrollit që janë ngritur në disa akse problematike, për të respektuar rregullat e qarkullimit.
Aksidentet me pasojë vdekjen:
4-Gusht- Një automjet në Kuçovë përplas motorçikletën dhe si pasojë e këtij aksidenti vdes një 66-vjeçar.
5-Gusht- Një 38-vjeçar humbi jetën në një aksident automobilistik, ku mbetën të plagosur edhe 4 persona të tjerë.
6-Gusht- Një 67 vjeçar, ka humbur jetën si pasojë e përplasjes nga një Mercedes Benz në aksin rrugor Orikum-Vlorë.
9-Gusht- Aksident me pasojë një të vdekur në aksin rrugor Korcë-Pogradec
12-Gusht-Deputeti i PDIU-së Aqif Rakipi përplas për vdekje një kalimtar në autostradën Vorë-Tiranë.
13-Gusht- Dy të vdekur dhe katër persona të plagosur në tre aksidente të ndryshme që ndodhen në Elbasan, Lezhë dhe Vlorë.
14 Gusht- Një person ka mbetur i vdekur si pasojë e një aksidenti rrugor në Aksin Golem-Durrës.
