Luftëtari është mundur sot në Gjirokastër me rezultatin 2 me 3 nga Teuta e Durrësit. Por gjirokastritët e kanë kontestuar rezultatin dhe për këtë fajësojnë arbitrimin e ndeshjes. Momenti më i kontestuar ishte penalltia e akorduar për durrsakët.
Një grup tifozësh e kanë dhunuar arbitrin ndeshjes Blerim Ziri. Ata e kanë pritur sapo ai doli nga stadiumi dhe u fut në makinën e tij. Fitozët e kanë goditur me gure dhe shkelma automjetin, duke i thyer xhamat dhe parakolpin e automjetit.
Të pranishëm kanë qenë edhe oficerë të policisë, të cilët thonë burimet e ArgjiroLajm.net, nuk kanë ndërhyrë te përplasja.
Skandali shkon edhe më tej, pasi deri më tani nuk ka asnjë të shoqëruar nga tifozët që dhunuan arbitrin e ndeshjes. Ndërkohë presidenti i Luftëtarit, Grigor Tavo, ka hedhur akuza të rënda ndaj Federatës Shqiptare të Futbollit.
