Nikolas Maduro, Presidenti i Venezuelës, ka shpallur fitoren ndaj grushtit të shtetit të organizuar nga opozita.
Sipas tij, Huan Guaido i cili bëri thirrje për grushtin e shtetit, dështoi dhe se ushtria nuk e mbështeti.
I rrethuar nga komandantë të ushtrisë, Maduro akuzoi protestuesit për “krime të rënda”, për të cilat paralajmëroi se nuk do të kalojnë pa u ndëshkuar.
Po ashtu, Maduro ka hedhur akuza dhe ndaj SHBA-së, duke theksuar se kanë organizuar komplote kundër tij.
Ditën e martë një numër i konsiderueshëm efektivësh të Gardës Kombëtare dolën në krah të opozitës në përleshjet që lanë të paktën 1 të vdekur dhe mbi 100 të plagosur.
Guaido bëri thirrje për grushtet shteti, duke theksuar se Maduro tashmë e ka humbur ndikimin e tij në Venezuelë.
Kujtojmë që Guido është njohur si lider i përkohshëm i Venezuelës nga më shumë se 50 vende, përfshirë Shtetet e Bashkuara, Mbretërinë e Bashkuar dhe pjesën dërrmuese të shteteve të Amerikës Latine.
Ndërkohë, teksa kriza vijon dhe thellohet në Venezuelë, Sekretarin i Shtetit, Majk Pompeo ka deklaruar se Amerika mund të ndërhyjë dhe me forcat ushtarake./ Opinion.al E.Xh.
