Kandidatja e PD në Tiranë, Orjola Pampuri ka denoncuar dhunën e ndodhur tek shkolla ‘’1 Maji’’ e cila është kthyer në një qendër numërimi votash.
Në deklaratën e saj Pampuri është shprehur se personi i dhunuar është vëzhgues i PD, teksa shpreh ndër të tjera se përfaqësuesit e KQZ nuk kishin asnjë informacion për autorët.
Më tej Pampuri thekson se janë dhunuar edhe djem të tjerë të PD jashtë KZAZ-së.
‘’Dy përfqësuesit nga KQZ nuk kishin informacion. Po bëhet kallëzimi nga djali i dhunuar. Jashtë më thonë që ndërkohë që janë dhunuar dhe të tjerë të PD, ndërkohë që dy personat.
Besoj i kanë ngacmuar dhe dhunuar.
Në momentin që ka ndodhur incidenti. Kam qenë gjatë gjithë kohës këtu brenda, persona që kanë qenë këtu dhunuan vëzhguesin e PD. ‘’- tha Pampuri./Opinion.al
