Çfarë ndodhi mes deputetëve Dogjani dhe Lutaj?
Lutaj tha se nuk pati ndonjë përplasje fizike, por Panorama sot e përgënjeshtron atë.
Sipas saj Lutaj dhe Dogjani janë goditur me grushta pas disa përplasjeve verbale.
Sherri nisi pasi Lutaj futi këmishën në pantallona dhe kjo u konsiderua fyese nga ana e Dogjanit.
Më tej kanë nisur fyerjet dhe mësohet se Dogjani e ka goditur deputetin socialist por kanë hyrë menjëherë sigurimi i kuvendit për të qetësuar situatën.
Ja debati midis tyre:
Lutaj: Zotërinj të nderuar, buxheti i hartuar nga Ministria e Financave ka marrë parasysh edhe sugjerimet tuaja dhe mendoj se është i mjaftueshëm për të përmbushur misionin e shërbimit tuaj!
Dogjani: Si ka mundësi, o zotëri, që paraqitesh me dy fytyra? Kur ishim bashkë në opozitë, mbaje tjetër qëndrim, kërkoje që institucionet e sigurisë kombëtare, siç është SHISH, të mbështeteshin dhe të financoheshin më mirë dhe me më buxhet për të përmbushur misionin, Ndërsa tani del dhe na thua buxheti është i mjaftueshëm, mos hapni gojë dhe shkoni të përmbushni misionin tuaj. A mund të garantohet siguria kombëtare me kaq buxhet? Je me dy fytyra!
Lutaj:Si njeri me dy fytyra të gjithë të njohin ty, që gdhihesh socialist dhe ngrysesh demokrat!
Lutaj fut këmishën në pantallona, Dogjani ofendohet.
Sherr me grushta, ndërhyjnë deputetët Pjerin Ndreu dhe Arben Çuko.
