Kreu i forcave speciale ushtarake, nënkolonel Mamady Doumbouya, një ish oficer i Legjionit të Huaj, njoftoi në televizionin shtetëror se ai “kishte shpërndarë qeverinë, kishte anuluar Kushtetutën” dhe kishte kapur presidentin Alpha Conde Me, duke kryer kështu një grusht shteti në Guinea.
Doumbouya tha se rrëzoi qeverinë për shkak të “keqmenaxhimit”, ndërsa dita e sotme u shoqërua me të shtëna, lajme konfilktuale dhe frikë tek banorët e kryeqytetit.
Dëshmitarët raportuan të shtëna armësh në mëngjes dhe personel ushtarak në rrugët e lagjes qendrore Kaloum, ku qëndronte presidenti. Pastaj krerët e grushtit të shtetit shpallën kapjen e tij.
OKB dënoi veprimin, duke bërë thirrje për lirimin e Conde. Në rrugët e shkreta enden vetëm burra me uniformë. Civilët mbahen të sigurt, përfshirë kombëtaren marokene të futbollit, e cila nesër do të luante një ndeshje kualifikuese për Kupën e Botës me Guinenë, e cila ka mbetur e mbyllur në një hotel duke pritur një fluturim për ta çuar në shtëpi./Opinion.al
