Nikolla Gruevski ka dorëzuar kërkesë për azil tek autoritetet kompetente hungareze. Ishte vetë kabineti i kryeministrit të Hungariz, Vikor Orban që konfirmoi lajmin për mediat maqedonase.
“Ish kryeministri i Maqedonisë ka deklaruar arsyet për mundësimin e statusit të refugjatit në Hungari.
Duke pasur parasyshë se Gruevski ka qenë për 10 vite kryeministër. Dhe duke marrë në konsideratë rrethanat e sigurisë, autoritetet tona i kanë lejuar Gruevskit të dorëzojë zyrtarisht kërkesë për azil dhe e kanë dëgjuar arsyetimin e tij në zyrat e Byrosë për migrim dhe azil në Budapest, shkruan Alsat.
”Autoritetet hungareze do ta shqyrtojnë kërkesën e Gruevskit dhe do ta vlerësojnë në përputhje me ligjet hungareze dhe ato ndërkombëtare.
Ne nuk dëshirojmë të ndërhyjmë në punët e brendshme të shteteve sovrane. Dhe konsiderojmë se vlerësimi i kërkesës për azil për ish kryeministrit do të shqyrtohet vetëm në aspektin juridik, theksojnë nga kabineti i Orban duke shtuar se nuk mund të ndajnë më shumë informata me opinionin lidhur me procedurën për azil të ish kryeministrit Gruevski para se të përfundojë procedura.”.
Pasi e kërkonin në të gjithë vendin, Nikola Gruevski u bë i gjallë nëpërmjet Facebookut. Ish-kryeministri maqedonas shkroi në rrjetin social se ndodhet në Budapest. Dhe se ka kërkuar azil nga autoritetet hungareze.
“Ditët e fundit kam marrë disa kërcënime me jetë. Do t’i jem gjithmonë besnik kauzës për Maqedoninë, nuk do të heq dorë asnjëherë”, ka shtuar ai.
Gruevski e apeloi vendimin që e ndëshkonte për shpërdorim detyre, me blerjen e një Mercedesi superluksoz me vlerë mbi gjysmëmilioni eurosh, gjatë kohës që kishte në duar frerët e ekzekutivit.
