Pavarësisht se ish-kryeministri i Maqedonisë, Gruevski para pak ditësh përmes një postimi në facebook, konfirmoi se ndodhej në Hungari, media bullgare “Fokus” thotë kundërtën.
Sipas saj, Gruevski ka ndërruar vendodhjen, një informacion i bërë i ditur nga një funksionar i VMRO-DPMNE-së.
Ish-kryeministri i Maqedonisë mendohet të jetë strehuar në Turqi ose Rusi. Mediat hungareze së fundmi thonë se Nikolla Gruevski është arratisur të mërkurën, me aeroplanin e oligarkut të afërt me kryeministrin e Hungarisë, Viktor Orban.
Ndërsa qeveria hungareze ka hedhur poshtë të gjitha komentet se ka ndihmuar Gruevskin të arratiset nga Maqedonia.
Përmes një kumtese zyrtare ka hedhur poshtë të gjitha informacionet që ka ndihmuar Gruevskin të kalojë nëpër tre shtete. Kujtojmë që pak ditë më parë sistemi TIMS zbuloi se ish-kryeministri i Maqedonisë ka përdorur Shqipërinë si pikë kalimi dhe doganën e Hani-Hotit për të kaluar drejt Malit të Zi.
