Vrasja e tre motrave shqiptare Kejsit, Simonës dhe Sindit nga nëna e tyre tronditi mbarë opinionin publik në mars të 2014. Ato u vranë barbarisht me thikë nga nëna e tyre, Edlira e cila po kalonte një krizë divorci pas ndarjes nga bashkëshorti. Afro 4 vite nga vrasja makabre, nëna e tyre mbahet në një qender rehabilitimi në Itali, ndërsa i ati i vajzave Bashkim Dobrushi ka gjetur forcën për të filluar një jetë të re.
Mediat italiane http://giornaledicomo.it ka intervistuar Dobrushin i cili jeton në Itali dhe ka krijuar një familje të re. Ai është martuar dhe në prill pret një fëmijë.
“Në prill 49-vjeçari u martua me Afërditën, një 36 vjeçare me origjinë nga Shqipëria dhe tani çifti pret një djalë i cili duhet të lindë më 3 prill, ditën kur Simona, vajza më e madhe duhet të mbushte 17 vjeçe”, shkruan Gironaledicomo.
Sytë e babait janë të mbushura me lot kur flet për të bijat, por ai falenderon popullin e Lecco-s që i është gjendur pranë. “Simona ishte volejbolliste, ndërsa Kejsi pëlqente vallen popullore, Sindi një fëmijë i dashur”, kujton me dhimbje ai. Gruaja e re ka provuar të mbështesë burrin e saj në luftën e përditshme kundër dhimbjes. Në muret e shtëpisë sonë në Lecco varen fotot e vajzave të mia”, thotë ai. Qyteti i Lecco-s është qyteti im dhe Italia është vendi im. Dëshiroj t’i falenderoj italianët sepse ndihma e tyre ishte thelbësore për mua”, citohet të ketë thënë Bashkim Dobrushi për median italiane. /Opinion.al
