Një grua e moshuar pësoi tronditjen e jetës së saj kur gjeti një gjarpër 90 cm në furrën e saj.
82-vjeçarja tha se ajo pyeti veten nëse “sytë e saj po e mashtronin” kur pa gjarpërin kaf afrikan. Ky gjarpër mendohet të jetë një zvarranik i arratisur nga habitati natyral .
Zvarraniku kishte hyrë në furrë në shtëpinë e të moshuarve në Stockport, Mançesterin.
Një grup veterinerësh u thirrën dhe shpëtuan gjarpërin më 26 shtator.
Gruaja, e cila po përgatitej të gatuante disa patate të skuqura, tha: “Kur hapa derën e furrës dhe pashë gjarpërin, kam marrë tronditjen e jetës sime. Kohët e fundit kam pasur një operacion të syve dhe po pyesja veten nëse sytë po më mashtronin por burri im e pa atë gjithashtu.”
Gruaja shtoi: “I dhashë veterinerit një përqafim të madh dhe një filxhan çaji më pas, por unë hoqa dorë nga patatet e skuqura dhe furra për disa kohë “.
Inspektori Andy Harris tha se speciet nuk ishin helmuese . Gjarpri ka të ngjarë të ketë ikur ose të jetë braktisur.
Ai tha: “Kam arritur të shpëtoj gjarprin nga furra. Duhet të ketë hyrë përmes një zgavre të murit në pjesën e pasme të furrës e ndoshta ështe tërhequr nga ngrohtësia. Fatmirësisht furra nuk ishte ndezur paraprakisht.”
Gjarpërinjtë ngjyrë kaf afrikane gjenden shpesh në shtëpitë në Afrikë dhe hanë brejtës dhe zogj. /Opinion.al
